banner

मनोरन्जन

ओभरसिज बजार अस्तव्यस्त, महंगो बजेटमा फिल्म बनाउँदा जोखिम

 

कोरोना भाइरसपछि नेपाली चलचित्रको बजार कसरी अगाडि बढ्छ भन्ने विश्लेषण भैरहेको छ । प्रदर्शक, वितरक तथा निर्माता हल खोल्नुपर्छ भन्ने दौडमा लागेका छन् । तर, हल खुलेपनि तत्काल दर्शकलाई कुन चलचित्र देखाउने भन्ने समस्या भने छ ।
कोरोनापछि चलचित्रको कथा भन्ने शैली परिवर्तन हुनुपर्छ भन्ने चर्चा पनि चलिरहेको छ । किनकी, अब महंगो बजेटमा चलचित्र बनाउँदा लगानी उठ्ने संभावना छैन ।
नेपाली चलचित्रका निर्माताका लागि राम्रो आम्दानीको श्रोत मानिएको ओभरसिज बजार अहिले अस्तव्यस्त छ । यसै त, विदेशी बजारमा पछिल्लो समय नेपाली चलचित्रले गतिलो व्यापार गर्न छाडेका थिए ।

विदेशमा प्रदर्शन हुने अधिकांश नेपाली चलचित्रले दर्शक झुक्काएपछि दर्शक आउन छाडेका थिए । निर्माता, स्थानिय वितरकको बलले केही दर्शक हलसम्म आएर चलचित्र हेरिरहेका थिए । अब, तत्काल विदेशी बजारबाट राम्रो आम्दानी हुने संभावना पनि छैन । यसैले, प पनि ओभरसिजबाट राम्रो रकम कमाउँदै आएका निर्माताहरु चलचित्र निर्माणबाट पछि हटेका छन् ।

यस्तो अवस्थामा महंगो बजेटमा चलचित्र बनाउँदा निर्माताको लगानी जोखिममा पर्ने निश्चित छ । नायक दयाहाङ राई, विपिन कार्की, सौगात मल्ल, अनमोल केसी लगायतका नायकहरुका चलचित्रले विदेशी बजारबाट राम्रो रकम कमाउँदै आएका थिए । निर्माता माधव वाग्ले भन्छन्–‘मैले विदेशबाट ६८ लाखसम्म रकम वुझेको छु । तर, तत्काल अब यो संभव छैन । यसैले महंगो रकममा चलचित्र बनाएर नेपालबाटै लगानी उठाउन निर्माताले सक्दैनन् ।’

यस्तो अवस्थामा, आफ्नै परिवेशको बिषय छानेर चलचित्र बनाउनु उत्तम विकल्प हो । दर्शकलाई महंगा क्यानभास भन्दा पनि स्तरिय र मन छुने कथामा भिजाउन आवश्यक छ । होइन भने निर्मातालाई लगानी उठाउन निकै ठूलो समस्या पर्ने देखिन्छ ।

  •  
  •  
  •  
  •  
  •  
  •  
  •  
  •  
  •  

Call Now Buttonकुनै घट्ना भय कल गर्नुहोस्

हाम्रो बारेमा

  • यन यश मिडिया नेपाल डट कम तथ्यको आधारमा सत्य स्थापित गर्ने मुल लक्ष्यका साथ नेपाली भाषामा सञ्चालित नेपालको डिजिटल सन्चार माध्याम हो ।

सम्पर्क

D.N.S. Media PVT. LTD

Kathmandu, Nepal

nsinfo505@gmail.com

तुलराज तिरुवा, सुर्खेत

विज्ञापनका लागि

+977-9848358806

पवन शाही,प्रवास

+91-7034839204

 

फेसबुक

CopyRight @ 2021 NS Media. All Right Reserved.

Call Now Buttonकुनै घट्ना भय कल गर्नुहोस्