banner

अन्तर्वार्ता

जनताको सेवा गर्न पाउनु नै भाग्यको कुरा

संवाद
शम्भु कुमार केसी
वडा अध्यक्ष
चन्द्रागिरी नगरपलिका–७,
काठमाडौं

शम्भु कुमार केसी । जन्म २०२३ साल साउन ९ गते सोमबारका दिन बुबा कृष्णबहादुर केसी र आमा बालकुमारी केसीको कोखबाट जन्मिएका उनी समाजमा केही गर्नुपर्छ भन्ने भावना बालापनदेखि नै थियो । यसै शिल्सिलामा २०३६ सालमा विद्यार्थी कालमा नै राजनितिमा संलग्न भएका केसीसँग बहुदलीय जनसंग्रह, पञ्चायती, लोकतन्त्रिक हुँदै गणतन्त्रिक सरकार राजनितिको राम्रो अनुभव छ । हाल उनी नेपाली कांग्रेसबाट स्थानीय सरकारको चन्द्रागिरि नगरपालिका वडा नं. ७ का निर्वाचित वडा अध्यक्ष हुन् ।
विभिन्न समयमा हुने नगरसभा र केही विशेष कार्यक्रममा बाहेक उनी प्राय वडामै हुन्छन । बिहान १० बजेदेखि ५ बजेसम्म उनको ध्यान वडाको दैनिक प्रशासन हेर्ने, जनताको गुनासो सुन्ने, विकास निर्माणको अनुगमन गर्नमै समय बित्छ । यतिबेला नगरसभा देखि पार्टी राजनितिमा समेत चन्द्रागिरि नगरपालिको वडा नम्बर ७ का वडा अध्यक्ष केसीको प्राय चर्चा हुने गर्दछ । उनी जनताको सेवा गर्न पाउनु नै भाग्यको कर्म र धर्म सोच्छन् । केही राम्रा कामको सुरुवात गर्दे आफ्नो कार्यकाललाई स्वर्ण अक्षरमा लेख्न उनि प्रयासरत छन् ।
उनै वडा अध्यक्ष केसीसँग कोरोना महामारी रोकथाम र सावधानी, वडाको विकास, नितिगत व्यवस्था, भावी योजनाका सन्दर्भमा केन्द्रित रहेर ताजबहसले गरेको विशेष कुराकानी :

वडा अध्यक्ष भएर आउँदा कुन सोच लिएर आउनुभएको थियो ? अहिले त्यही सोच अनुरुप काम भईरहेको छ त ?
धेरै लामो समय सम्म स्थानीय चुनाव भएको थिएन । सुरु सुरुमा त केही गाह्रो भयो । जनताहरु भन्नुहुन्छ प्रतिफल चाँडै चाहिन्छ । हुन पनि हो जनता चाँडै विकास भएको हेर्न चाहन्छन । म पनि अहिले नगरे कहिले गर्ने ? मैले नगरे कसले गर्ने ? यहाँ नगरे कहाँ गर्ने भन्ने सोचका साथ काम अघि बढाईरहेको छु । यहाँ विकास निर्माणका काम सबै अलपत्र थिए । सबैतिर उकुसमुुकुस भएको अवस्था थियो । तर जुन मेहनत र सक्रियताले जे काम भईरहेको छ । यो तीन बर्षको समयमा धेरै परिवर्तन भएको छ ।

चन्द्रागिरी वडा ७ मा के कस्ता विकास निर्माण गर्नुभयो ?
सर्वप्रथम त म चन्द्रागिरी नगरको समग्ररुपमा कुरा गर्न चाहान्छु । अहिले स्थानीय सरकार आईसकेपछि चन्द्रागिरी नगरपालिकाको मुहार नै फेरिएकोे छ । यसै नगर अन्र्तगत वडा ७ को विकास निर्माणको कुरा गर्नुपर्दा वडामा देखिएका हरेक समस्यालाई समाधान गर्ने प्रयत्न गरेको छु । यस भेगका जनतालाई खानेपानी र बाटोघाटो व्यस्थित निर्माण पहिलो प्राथमिकका साथ निर्माण कार्य अगाडी बढाएका छौं । शिक्षा, स्वास्थ्य, खेलकुद, रोजगार लगायत विभिन्न जतिपनि समस्या र चुनौतीहरुसँग सामना गर्दै समग्र चन्द्रागिरी नगरको विकास निर्माण र सेवालाई अघि बढाईरहेको छौं । पार्टीको निर्देशन र आफ्नो स्वविवेकअनुसार काम गरिरहेको छु ।

अन्य के छन् योजना ?
म अनलाईन प्रणालीमा वडालाई लैजादैछु । अब वडाको आफ्नै भवनपनि शानदार बन्ने छ । अपाङगमैत्री बन्छ । सुविधासम्पन्न भवनमा सवै किसिमका सेवा सहज र सरल बनाउने दृढता मसंग छ । पैसा तिर्नको लागि पनि म सहज बनाउँदै छु । अब भौचर लिएर आए हुने बनाउछु । त्यसपछि वडामा पैसाको झन्झट सकिन्छ । त्यसपछि मेरो वडाको आफ्नै भवनपश्चात पुरै अनलाईनमैत्री वडा बनाउनुछ । जबकी तपाईले आफ्नो बिहे दर्तासमेत घरमै बसेर गर्नसक्नु हुनेछ । मेरो वडालाई म नमुना बनाएरै छाड्छु । मेरो यो अठोट भयो ।

कोरोना महामारी नियन्त्रणका लागि मुलुकले अपनाइरहेको नीति कत्तिको प्रभावकारी रहेको छ ?
यसमा यो नै सत्य हो, यो नै ठीक हो भन्ने हुँदैन । हरेक कुराको आफ्नो ठाउँमा उत्तिकै महत्व हुन्छ । जनता आफैँ, सुशुचित हुने, आफैँ सतर्क हुने, सामाजिक दुरी कायम गर्ने, हात धुनेलगायतका स्वास्थ्य र सरसफाइका नियमहरु पालना गर्ने गरेमा यसै पनि यो रोग नियन्त्रणमा रहन्छ । अहिले आम मानिसहरु बाहिर जान रुची देखाउने र घरभित्र चाहिँ गैरजिम्मेवार किसिमको व्यवहार गर्दै, झुण्डमा बसेको, खाएको, खेलेको, जिस्किएको देखिएको छ । यो वर्तमान महामारीको परिस्थितिमा गलत हो । कसैलाई रोग भएको रहेछ भने भित्रभित्रै रोग संक्रमण भएर उग्ररुप लिनसक्छ ।
सरकारी तवरबाट रोग नियन्त्रणका लागि चाल्नुपर्ने कदम, परीक्षण र उपचारका लागि व्यवस्था आदिमा शुरुमा केही ढिलाइ भएको थियो तर पछिल्लो समयमा सरकारी तयारीले गति लिएकोे छ । तरपनि यसरी नै मानिसहरु अटेर गरेर सावधानी नअपनाउने हो भने कोरोनाले विकराल रुप लिने देखिन्छ ।

महामारीको संक्रमण पछिको लकडाउनले मुलुकको समग्र क्षेत्र प्रभावित भएको देखिएको छ, यसको प्रभाव न्युन गर्न के कस्ता कदम चाल्नुपर्दछ ?
लकडाउनले नेपाल मात्र होइन संसारलाई नै खत्तम पारेको छ । मेरो विचारमा चाहिँ संक्रमणको भौगालिक हिसाबले छुट्ट्याएर लकडाउन गर्ने र त्यहीँभित्र परीक्षणका कार्यहरु गर्ने, विभिन्न भौगोलिक क्षेत्रमा स्थिति हेरेर सामाजिक दुरी कायम गर्ने सर्तमा मानिसको गतिविधि खुकुलो गर्ने, परीक्षण कार्य पनि घरघरमा गएर गर्न सकिन्छ कि भन्ने बारेमा छलफल र तयारी गर्ने, महामारीका बिरामीलाई निश्चित अस्पतालमा उपचारको व्यवस्था गरी अन्य अस्पतालमा अरु बिरामीको उपचार शुरु गर्ने, साथै अस्पताल र क्वारेन्टाइनहरुको स्तर र क्षमता बृद्धि गर्नेजस्ता कार्यहरु पनि गर्न सकिन्छ । क्वारेन्टाइनहरुमा सरसफाइ र सामाजिक दुरी कायम गर्ने कार्य प्रभावकारी नभएका कारण त्यहीँ नै रोग संक्रमण भईरहेको छ । छिमेकी देशका औपचारिक नाका बन्द भए पनि अन्य ठाउँबाट लुकीछिपी आइरहेको भन्ने सुनिएको छ, यसलाई कडाइ गर्नुपर्छ ।

अन्त्यमा ?
कोरोना भाईरस रोकथाम र सावधानीका लागि चन्द्रागिरी नगरपालिका सबै वडाले सक्दो प्रयास गरेका छन् । विभिन्न कोरोना सावधानी जनचेतनामुलक कार्यक्रम र राहात वितरण कार्यक्रमलाई निरन्तरता दिईरहेको छ । सबै आम जनतालाई कोरोनादेखि सावधानी अपनाई सुरक्षितरुपमा बसिदिनुहुन अनुरोध गर्दछु ।

  •  
  •  
  •  
  •  
  •  
  •  
  •  
  •  
  •  

Call Now Buttonकुनै घट्ना भय कल गर्नुहोस्

हाम्रो बारेमा

यन यश मिडिया नेपाल डट कम तथ्यको आधारमा सत्य स्थापित गर्ने मुल लक्ष्यका साथ नेपाली भाषामा सञ्चालित नेपालको डिजिटल सन्चार माध्याम हो । जनताको आवाजलाई जस्ताको तस्तै सरकार र सम्बन्धित निकायसमक्ष पुर्याउँदै सामाजिक न्याय को पक्षमा दृढताका साथ आवाज बुलन्द गर्दै समृद्ध नेपाल सु:खी नेपालीको परिकल्पनालाई साकार पार्ने अभियान यस अनलाइन पोर्टलको रहेको छ ।  तपाईको सूचना र समाचार को तिर्खा मेट्न यन यस मिडिया अहोरात्र याहा को साथ मा छ , यन यस मिडिया ले ताजा र खोजमूलक न्याय हित का समाचार, विचार, ब्लग,विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रता का सवालमा यन यस मिडिया ले कहिल्यै कसैसँग सम्झौता गर्ने छैन । पत्रकारिता का स्थापित मूल्य मान्यता, पत्रकारिता को नैतिक बन्धन, देशको प्रचलित संविधान, ऐन, कानूनलाई आत्मसात गर्दै सामाजिक उत्तर दायित्व सहित समाजमा हरेक ब्यक्तिलाइ सुसुचित गराउने प्रयास गर्दै अघि बढ्ने कठित प्रण गर्छौं ।

सम्पर्क

DNS Media PVT. LTD. 

Basundhara, Kathmandu, Nepal

nsinfo505@gmail.com

+977-9862450505

+977-9840294508

विज्ञापनका लागि

+977-9848358806

फेसबुक

CopyRight @ 2021 NS Media. All Right Reserved.

Call Now Buttonकुनै घट्ना भय कल गर्नुहोस्