banner

अन्तर्वार्ता

‘मेरो उद्देश्य नै जनताको सेवा र विकास निर्माण गर्नु हो’

कामीलाल तामाङ
वडा अध्यक्ष
रुबिभ्याली गाउँपालिका–३, धादिङ

 

धादिङ जिल्लाको उत्तरीभेगमा अवस्थित रुबिभ्याली गाउँपालिकाले जनताको दैनिकीसँग जोडिएको सडक निर्माणसँगै कृषि, स्वास्थ, शिक्षा, रोजगारी, पर्यटनलगायतको विषयलाई प्राथमिकतामा राखेर काम गरिरहेको छ । स्थानीय सरकार गठन भएपछि गाउँपालिकाले नागरिकलाई कसरी सेवा प्रवाह भइरहेको छ ? भावी योजना र समृद्ध गाउँपालिका बनाउने योजना लगायतको विषयमा रुबिभ्याली गाउँपालिका–३ का वडा अध्यक्ष कामीलाल तामाङसँग गरिएको कुराकानीः

तपाईको राजनितिमा प्रवेश कहिले भयो ?
मेरो राजनितिक सुरुवात पञ्चायतकाल हुँदै बहुदलमा राष्ट्रिय प्रजातन्त्र पार्टीबाट गाविस उपाध्यक्षको दाबेदारका रुपमा २०४८ सालमा औपचारीक प्रवेश भएको हो । पार्टीको विभिन्न जिम्मेवारीहरु सम्हाल्दै पार्टीले अगाडी सारेर नै आज यो अवस्थामा छु । पार्टीभित्र अन्तरसंघर्ष र द्धन्द्धकाबीच म आफ्नो सहनसिलताले नै आज जनताको सेवा गर्ने मौका पाएको छु । म कहिले पनि पद र लोभलालचमा लागिन, मेरो उद्देश्य भन्नु नै जनतालाई सुलभ सेवा र कसरी विकास निर्माण गर्न सकिन्छ भन्ने सोच लिएर अहिले नेपाल सरकारको स्थानिय सरकार अन्र्तगत रुबिभ्यालीको वडा अध्यक्ष छु ।

गाउँपालिकाभित्र वडास्तरमा के कस्ता विकास निर्माण गर्नुभयो ?
पालिकामा वडा–३ ले सबैभन्दा पहिला आफ्नै भवन निर्माण गरेको छ । अब सडक निर्माण कार्य हालसालै मात्रै गाउँपालिकामा प्रवेश भएको हो । गाउँपालिकाको ६ वटै वडामा सडक विस्तारको क्रम जारी छ । गाउँपालिकाले यस आर्थिक वर्षका लागि विशेष प्राथमिकता सहित बजेट सडकमा लगानी गरेको छ । सडकको स्तरोन्नति गर्ने काम भएको छ । नयाँ ट्रयाकहरु निर्माण गर्ने क्रम तिब्र गतिमा भईरहेको छ । भत्किएका बिग्रिएका सडक निर्माण गरेर सहजरूपमा यातायात सञ्चालन गर्ने काममा गाउँपालिकाले पहिलो प्राथमिकता राखेको छ । आगामी २ वर्षभित्र गाउँपालिकाको केन्द्रसम्मको सडक पु¥याउने लक्ष्य राखेको छ । त्यस्तै बन फडानीमा रोक लगाएका छौं र जंगली वन्यजन्तुको संरक्षणका निम्ति सिकारीहरुको बन्दुक बरामद गरि जिल्लामा बुझाईएको छ । साथै विभिन्न मर्मतसम्भार एवंम विकास निर्माणकाका योजनाहरु भईरहेको अवस्था छ ।

विद्युतीकरणको काम के–कसरी अगाडि बढिरहेको छ ?
गाउँपालिकाको अधिकांश स्थानमा विद्युतीकरण भइसकेको छ । गाउँपालिका–३ सेर्तुङमा खोल्पी लघुवित्त जलविद्युत आयोजनाले १०० किलो वाटको बिजुली निकालि दिएको छ, मुख्य ट्रान्समिटरमा समस्या भएको कारण हालै यसको मर्मत कार्यमा केही ढिला भएकोले स्थानीय जनताहरु मर्कामा परेका छन् । यसको मर्मतसम्भारको काम अगाडी बढि सकेको छ । गाउँपालिकाले १५ लाख रुपियाँ बजेट पनि विनियोजन गरिसकेको छ ।
गाउँपालिकाभित्र कुनै पनि नागरिक विद्युतबाट वञ्चिन नहुन भन्ने हाम्रो चाहना हो ।

खानेपानीको अवस्था कस्तो छ ?
गाउँपालिकाभित्र खानेपानीको स्रोत पर्याप्त छ । तर, हामीले भनेको जस्तो व्यवस्थित गर्न सकेका छैनौं । गाउँपालिकाभित्र रहेको प्रत्येक घरमा धारो पुर्याउने लक्ष्य गाउँपालिकाले लिएको छ । विगतदेखि नै खानेपानीका योजना सञ्चालन भए पनि प्रभावकारी रूपमा काम हुन नसकेको पाइएको छ । स्थानीय तहमा जनप्रतिनिधिहरू आएपछि खानेपानी लगायतका विकास निर्माणको काममा तीव्रता आएको छ । साथै विभिन्न संघसंस्थाहरुको सहयोगमा खानेपानीको व्यवस्था सहज भएको छ ।

कृषिमा आधुनिकीकरण गर्ने योजना के छ ?
गाउँपालिकाको पहिलो प्राथमिकता नै कृषिमा आधुनिकीकरण हो । गाउँपालिकाभित्र भइरहेको परम्परागत कृषि प्रणालीलाई आधुनिकीकरण गर्ने हाम्रो लक्ष्य रहेको छ । गाउँपालिकालाई समृद्ध बनाउने आधार नै कृषि हो । गाउँपालिकालाई फलफुलमा स्याउ खेती, आलुको पकेट क्षेत्र बनाउने, मकै, कोदोे लगायत व्यावसायिक रूपमा तरकारी खेती कृषिका लागि उर्वर भूमि मानिन्छ ।
साथै गाउँपालिकाभित्र विभिन्न जडीबुटीहरु प्रशस्त मात्रामा पाईन्छ, यसलाई पालिकाले व्यवस्थित तरिकाले निर्यात गर्ने व्यवस्था गरिरहेको छ ।

स्वास्थ्य क्षेत्रमा देखिएको समस्या समाधान गर्न के योजना छ ?
गाउँपालिकाभित्र अहिलेसम्म अस्पताल छैन । हालै निर्माणधिन अवस्थामा भने रहेको छ । स्वास्थ्यचौकीबाट सेवासुविधा दिईरहेका छौं । हामीले गाउँपालिकाको हरेक वडामा स्वास्थ्य क्षेत्रमा सक्दो जनतालाई उपचारको सेवा सुविधा दिने प्रयत्नमा लागि परेका छौं । अब चाँडै नै गाउँपालिकामा अस्पताल सुचारु गर्छौं ।

स्थानीय तहमा रोजगारी सिर्जना गर्न गाउँपालिकाले के गरिरहेको छ ?
गाउँपालिकाभित्र भएको स्रोत र साधानलाई अधिकतम परिचालन गरेर स्थानिय बेरोजगार युवाहरुलाई रोजगारी सिर्जना गर्ने हाम्रो लक्ष्य रहेको छ । वैदेशिक रोजगारीमा जानुभन्दा आफ्नै गाउँघरमा बसेर रोजगारी गर्न चाहनेहरूलाई गाउँपालिकाले प्राथमिकतामा राखेर वातावरण सिर्जना गर्नेछ ।
कृषि तथा जडिबुटीको पकेट क्षेत्र स्थापना गरेर व्यवसायिक तरकारी खेती गर्ने, पशुपालन गर्ने लक्ष्य छ । जडीबुटी र पर्यटन क्षेत्रको रूपमा विकास गर्ने, आलुको पकेट क्षेत्र बनाउने, फार्म सञ्चालन गर्ने, पशुपालनलाई प्राथमिकता दिने यी काम गरेर रोजगारी सिर्जना गर्ने लक्ष्य हामीले लिएका छौं । काम गर्ने युवाहरूलाई विदेश जान नपर्ने वातावरण सिर्जना गर्छौं ।

पर्यटन क्षेत्रको विकास के योजना छ ?
रुबिभ्याली गाउँपालिकाभित्र पर्यटन क्षेत्रको राम्रो सम्भावना रहेको छ । रुबिभ्याली विशेष पर्यटकीय क्षेत्रको रूपमा चिनिँदै आएको छ । गाउँपालिकाभित्र रहेका धार्मिक पर्यटकीय क्षेत्रलाई पनि एकसाथ अगाडि बढाएर लागेको अवस्था छ । यहाँ पर्यटकलाई आवश्यक पर्ने कुनै किसिमको कमि कम्जोरीहरु छैन । प्राकृतिक तातोपानीको स्नानदेखि हिमालको मनोरमदृष्य लगायत यहाँको कला संस्कृति विशेष रहेको छ ।

वडाले कोरोनाबाट बच्न के कस्ता सुरक्षा अपनाएको छ ?
६ वडासहित गाउँपालिकाले पूर्णरुपमा कोरोनाको सुरक्षाको निम्ति सतर्कता अपनाएको छ । पालिकाको आफ्नो हरेक नाकामा चेकजाँचको व्यवस्था मिलाएका छौं । क्वारेन्टाईनको व्यवस्था पनि मिलाएका छौं । रुबीभ्याली अहिलेसम्म कोरोनामुक्त नै छ । भविष्यमा यसको रोकथामको लागि विशेष निगरानी र सतर्कता सहित सुरक्षानिति अपनाईएको छ । सम्पूर्ण नेपालीहरु एवंम रुबीभ्याली वासीमा कोरोनाबाट आफ्नो सुरक्षा आफै गरौं र सुरक्षित रहौं ।

  •  
  •  
  •  
  •  
  •  
  •  
  •  
  •  
  •  

Call Now Buttonकुनै घट्ना भय कल गर्नुहोस्

हाम्रो बारेमा

  • यन यश मिडिया नेपाल डट कम तथ्यको आधारमा सत्य स्थापित गर्ने मुल लक्ष्यका साथ नेपाली भाषामा सञ्चालित नेपालको डिजिटल सन्चार माध्याम हो ।

सम्पर्क

D.N.S. Media PVT. LTD

Kathmandu, Nepal

nsinfo505@gmail.com

तुलराज तिरुवा, सुर्खेत

विज्ञापनका लागि

+977-9848358806

पवन शाही,प्रवास

+91-7034839204

 

फेसबुक

CopyRight @ 2021 NS Media. All Right Reserved.

Call Now Buttonकुनै घट्ना भय कल गर्नुहोस्