banner

खेलकुद

युरोपा लिग : म्यानचेष्टर युनाइटेड र इन्टर सेमिफाइनलमा

काठमाडौं । इंग्लिस क्लब म्यानचेष्टर युनाइटेड र इटालियन क्लब इन्टर मिलान युरोपा लिगको सेमिफाइनलमा प्रवेश गरेका छन् ।

युनाइटेडले डेनिस क्लब कोभनहेगनलाई अतिरिक्त समयमा १-० ले पराजित गर्दै अन्तिम चारमा स्थान बनाएको हो । युनाइटेडका लागि ब्रुनो फर्नान्डेजले ९५औं मिनेटमा पेनाल्टीमार्फत गोल गरे ।

कोभनहेगनका आन्द्रे बेलान्डले एन्टोनी मार्सियललाई फाउल गरेपछि युनाइटेडले पेनाल्टी पाएको थियो । जसमा फर्नान्डेजले गोल गरे । र उक्त गोल नै जितका लागि निर्णायक बन्यो ।

त्यसअघि युनाइटेडका मासोन ग्रीनउडले ४५औं मिनेटमा गोल गरे पनि भिएआरले मान्यता नदिँदा युनाइटेड अग्रता लिनबाट बन्चित भएको थियो ।

युनाइटेडले अब वल्भ्स र सेभियाबीचको विजेतासँग सेमिफाइनलमा खेल्नेछ ।

यस्तै अर्को क्वाटरफानलमा इन्टरले जर्मन क्लब बायर लेभरकुजनलाई २-१ ले पराजित गरेको छ । सुरुवाती २५ मिनेटभित्रै सबै गोल भएको खेलमा इन्टरले पहिले अग्रता लिएको थियो । निकोले बरेलाले १५औं मिनेटमा गोल गर्दै इन्टरलाई अग्रता दिलाएका थिए ।

२१औं मिनेटमा रोमेलु लुकाकुले इन्टरको अग्रता दोब्बर पारे । २५औं मिनेटमा लेभरकुजनका काई हाभार्टले गोल गर्दै गोलअन्तर कम पार्ने प्रयास गरेको थियो । तर त्यसपछि लेभरकुजनले गोल थप्न सकेन र इनटर विजयी हुँदै अन्तिम चारमा पुगेको हो ।

कोरोना महामारीका कारण युरोपा लिगको नियमित तालिका प्रभावित हुँदा युइएफएले क्वाटरफाइनलदेखिका खेलहरु सिंगल लिगको आधारमा एउटै देशमा सञ्चालन गरिरहेको छ ।

इन्टरले अब फाइनल प्रवेशका लागि साख्तर डोनेस्क र बासेलबीचको विजेतासँग खेल्नेछ ।

  •  
  •  
  •  
  •  
  •  
  •  
  •  
  •  
  •  

Call Now Buttonकुनै घट्ना भय कल गर्नुहोस्

हाम्रो बारेमा

  • यन यश मिडिया नेपाल डट कम तथ्यको आधारमा सत्य स्थापित गर्ने मुल लक्ष्यका साथ नेपाली भाषामा सञ्चालित नेपालको डिजिटल सन्चार माध्याम हो ।

सम्पर्क

D.N.S. Media PVT. LTD

Kathmandu, Nepal

nsinfo505@gmail.com

तुलराज तिरुवा, सुर्खेत

विज्ञापनका लागि

+977-9848358806

पवन शाही,प्रवास

+91-7034839204

 

फेसबुक

CopyRight @ 2021 NS Media. All Right Reserved.

Call Now Buttonकुनै घट्ना भय कल गर्नुहोस्