banner

खेलकुद

रोनाल्ड कोएमन बार्सिलोनाको नयाँ प्रशिक्षक बन्ने

रोनाल्ड कोएमन

३ भदौ, काठमाडौं । नेदरल्याण्ड्सका रोनाल्ड कोएमन स्पानिस जायन्ट बार्सिलोनाको नयाँ प्रशिक्षक बन्ने भएका छन् । बार्सिलोनाका अध्यक्ष जोसेफ मारिया बार्तामेउले क्लबका पूर्व खेलाडी समेत रहेका कोएमन क्लबको नयाँ प्रशिक्षक बन्ने बताएका हुन् ।

मंगलबार राति बोल्दै बार्तामेउले कोएमनलाई चयन गरेको बताए । उनले भने, ‘कोएमनलाई हामीले छानेका छौँ । यदि केही नराम्रो नभए उनी अर्को सिजनका लागि मुख्य प्रशिक्षक बन्नेछन् ।’

नेदरल्याण्ड्स र बार्सिलोनाको पूर्व डिफेण्डर बार्सिलोनासँग सम्झौता पक्का गर्न मंगलबार बार्सिलोना पुगेका थिए ।

च्याम्पियन्स लिगको क्वाटरफाइनलमा बायर्न म्युनिखसँग लज्जास्पद हार र यस सिजन उपाधि विहीन भएपछि बार्सिलोनाले टिममा धेरै परिवर्तन गर्दैछ ।

यसअघि नै मुख्य प्रशिक्षक के सेटिएनलाई क्लबले बर्खास्त गरिसकेको छ । यस्तै स्पोर्टिङ डिरेक्टर एरिक अबिदालसँग पनि बार्सिलोनाले सम्झौता तोडेको छ ।

यस्तै टिममा पनि धेरै परिवर्तन हुने अध्यक्ष बार्तामेउले बताइसकेका छन् ।

कप्तान लिओनल मेसीले क्लब छाड्ने हल्ला चलिरहेको बेला बार्तामेउले पनि मेसीले बार्सिलोनामै करियर अन्त्य गर्न चाहेको बताउँदै आएका छन् ।

कोएमनको नयाँ प्रोजेक्टमा मेसी मुख्य पिलर हुनेबारे समेत कुरा भएको बार्तामेउले बताए ।

  •  
  •  
  •  
  •  
  •  
  •  
  •  
  •  
  •  

Call Now Buttonकुनै घट्ना भय कल गर्नुहोस्

हाम्रो बारेमा

  • यन यश मिडिया नेपाल डट कम तथ्यको आधारमा सत्य स्थापित गर्ने मुल लक्ष्यका साथ नेपाली भाषामा सञ्चालित नेपालको डिजिटल सन्चार माध्याम हो ।

सम्पर्क

D.N.S. Media PVT. LTD

Kathmandu, Nepal

nsinfo505@gmail.com

तुलराज तिरुवा, सुर्खेत

विज्ञापनका लागि

+977-9848358806

पवन शाही,प्रवास

+91-7034839204

 

फेसबुक

CopyRight @ 2021 NS Media. All Right Reserved.

Call Now Buttonकुनै घट्ना भय कल गर्नुहोस्