banner

खेलकुद

सिटीविरुद्ध रियलको टोलीमा अटाएनन् बेल

वेल्सका फरवार्ड गेराथ बेल रियल म्याड्रिडको २४ जनाको टोलीमा अटाउन असफल भएका छन् । रियलले शुक्रबार च्याम्पियन्स लिगको अन्तिम १६ अन्तरगत दोस्रो लेगमा म्यान्चेस्टर सिटीको सामना गर्दैछ ।

कोरोनाभाइरसको महामारीका कारण प्रतियोगिता स्थगित हुनअघि गत फेब्रुअरीमा भएको पहिलो लेगमा सिटी २–१ ले विजयी बनेको थियो । विजेता टोलीले क्वाटरफाइनलमा युभेन्टस वा लियोनमध्ये एकको सामना गर्नेछ ।

च्याम्पियन्स लिगका अन्तिम ८ देखिका सबै खेलहरु पोर्चुगलमा १२ अगस्तदेखि १२ दिनको अन्तरमा खेलाइनेछ । फाइनल २३ अगस्तमा तय भएको छ ।

यता, जुनमा ला लिगाको खेल पुनः सुचारु भएयता रियलका ११ खेलमा बेलले मात्र दुईवटा खेल खेलेका छन् । बेल सन् २०१३ मा त्यतिबेलाको कीर्तिमानी ८.५ करोड पाउन्डमा टोटनह्यामबाट रियलसँग अनुबन्ध भएका थिए ।

त्यसयता उनले रियललाई ४ वटा च्याम्पियन्स लिग जिताउन मद्दत गरेका छन् । उनले सन् २०१४ को फाइनलमा एथ्लेटिकोविरुद्ध विजयी गोल गरेका थिए भने सोही टोलीविरुद्ध सन् २०१६ को फाइनलमा पनि पेनाल्टी सुटआउटमा गोल गरेका छन् । सन् २०१८ को फाइनलमा लिभरपुलविरुद्ध बाइसाइकल किकबाट उत्कृष्ट गोलसहित २ गोल गरेका थिए ।

गत सिजन उनी चिनियाँ सुपर लिगमा जियाङसु सुनिङसँग आबद्ध हुने तयारी भएको थियो तर अन्त्यमा उक्त करार अन्त्य भएको थियो । सन् २०१९–२० सिजनमा उनले रियलका लागि मात्र १४ खेल खेलेका छन् ।

  •  
  •  
  •  
  •  
  •  
  •  
  •  
  •  
  •  

Call Now Buttonकुनै घट्ना भय कल गर्नुहोस्

हाम्रो बारेमा

  • यन यश मिडिया नेपाल डट कम तथ्यको आधारमा सत्य स्थापित गर्ने मुल लक्ष्यका साथ नेपाली भाषामा सञ्चालित नेपालको डिजिटल सन्चार माध्याम हो ।

सम्पर्क

D.N.S. Media PVT. LTD

Kathmandu, Nepal

nsinfo505@gmail.com

तुलराज तिरुवा, सुर्खेत

विज्ञापनका लागि

+977-9848358806

पवन शाही,प्रवास

+91-7034839204

 

फेसबुक

CopyRight @ 2021 NS Media. All Right Reserved.

Call Now Buttonकुनै घट्ना भय कल गर्नुहोस्